دواین بابەتەکان

پێناسەی ماڵپەڕ
ماڵپەڕی ڕاماڵین :
مینبەرێك بۆ ڕاماڵینی هەموو بێباوەڕی و بیدەعەكاریەك لە كۆمەڵگای كوردەواری
( ماڵپەڕى ڕاماڵین ) : ماڵپەڕێكی ئاینی و هزری و ڕۆشنبیری سەربەخۆی بێلایەنە ، و سەربە هیچ گروپ و كۆمەڵێكی حیزبی نیە ... بۆ گوزارشكردن و بانگەشەكردن بۆ ئایینی ئیسلامی پیرۆز ـ وەكو خۆی ـ دوور لە هەموو دەمارگیری و كۆتێكی مەزهەبی و حیزبی ... 
بەواتایەكی تر : گەیەنەر و بانگەشەكارە بۆ قورئانی پیرۆز و سوننەتە ( صحیح ) ـەكانی پێغەمبەری خوا ـ صلی الله علیه وسلم ـ بە تێگەیشتنی پیشینی ئەم ئوممەتە ـ كە هاوەڵان و شوێنكەوتوان و شوێنكەوتوانیان بەچاكە دەگرێتەوە ـ كە پێغەمبەری خوا ـ صلی الله علیه وسلم ـ لە وەصفیاندا فەرموویەتی : " خَيْرُ النَّاسِ قَرْنِي ثُمَّ الَّذِينَ يَلُونَهُمْ ثُمَّ الَّذِينَ يَلُونَهُمْ " ( رواه البخاري ومسلم ) ، واتە : چاكترینی ئەم ئوممەتە سەدە و سەردەمەكەی منە ـ كە هاوەڵانە ـ ، پاشان ئەوانەی كە بەدوایاندا دێن ـ كە شوێنكەوتوانە ـ ، پاشان ئەوانەی كە بەدوایاندا دێن ـ كە شوێنكەوتووی شوێنكەوتوانن ـ .
هەروەك كۆششی ئەم ماڵپەڕە بۆ ئەوەیە : بەزمانی كوردی شیرین موسڵمانانی كورد زمان بە پەروەردگار و پەیامبەر و ئاینەكەیان ـ كە ئایینی ئیسلامی پیرۆزە ـ ئاشنا بكات ، ئەوەش بە پاڵاوتەكراوی و دوور لە هەموو جۆرە گومان و زیادەیەك كە خراونەتە سەری و هاتبێتنە ناویەوە لە بواری بیروباوەڕ بێت ، یان لە بواری پەرستش و ڕەوشت و موعامەلات و بیر و هزری ئیسلامی بێت ، كە بوونەتە هۆی نەهێشتنی سەفا و ڕەونەقی ئایینەكەیان ، و چەندەها گومانیان لە دڵی هەڵگرانی دروست كردووە .
ئەم ماڵپەڕە ( ماڵپەڕی ڕاماڵین ) بە بەرهەم و پێشكەش كراوەكانی ـ بەرپەرچدانەوە بێت یان ئاشكراكردن ـ بۆ موسڵمانان و جگە لەوانیش دەیسەلـمێنێت كە ئایینی ئیسلام بە بنەوا زانستیەكانی و ئەو گەوهەرە نوسراو وكرداریانەی كە زانایانی بە درێژایی مێژووی پرشنگداری پێشكەشیان كردووە ـ توانای دەسەتبەركردنی چارەسەری هەیە بۆ هەموو گرفتێك كە ڕووبەڕووی تاك و كۆمەڵگای موسڵمانان و مرۆڤایەتی دەبێتەوە ، و توانای دەرخستنی ڕووی ڕاستی هەموو نەیارانی بێباوەڕ و بیدعەكاری هەیە ، لەگەڵ بەرپەرچدانەوەی هەموو ڕاستیەك كە ئەوان ـ بە گومانی خۆیان ـ بە گومان و شوبهەی دەزانن .
ماڵپەڕەكەتان ( ماڵپەڕی ڕاماڵین ) ـ بە پشتیوانی خوای پەروەردگار ـ مۆمێك دەبێت بۆ ڕووناككردنەوەی ڕێگای ڕاست بۆ ڕێبوارانی ، و دەستی هەموو ئەوانەش دەگرێت كە ئارەزوو و تاوان و گومانەكان لەمپەرن لە ڕێگایان بۆ گرتنەبەری ئەم ڕێگایە ، ئەوەش بەو نوسراو و پەرتۆك و بەرهەمانەی كە پێشكەشی خوێنەرانی خۆی دەكات ، لەگەڵا ئەو پێشنیار و چارەسەر و وەڵامانەی كە بۆ پرسیاری هەواداران و دۆستانی ماڵپەڕەكە دەخرێتەڕوو .
هەوڵی ( ماڵپەڕی ڕاماڵین ) ڕاماڵینی هەر جۆڕە دیاریدەیەكی بێ‌باوەڕی و بیدعەكاری و ئارەزووپەرستی و نەفامی و نەزانی دەبێت لە كۆمەڵگای كوردەواری ، كە بەدرێژای چەندەها ساڵە هێنراونەتە ناو كەڵتووی ئاینی و كۆمەلایەتی ئەم میللەتە موسڵمانە ، بەناوی تازەگەری و پێشكەوتن و نوێخوازیەوە برەوەی پێدەرێت !!!
بۆیە سەرپەرشتیار و ستافی كارای ماڵپەڕ : داواكارە لە موسڵمانان بە پێشنیار و ڕەخنەنە بنیاتنەرەكانیان ، ئەم ماڵپەڕە بەڕەو تەواوكاری و كامڵێتی بەرن ، ئەوەش وەكو هاریكاریەك لەسەر چاكە و چاكەكاری ، كە فەرمانی خوای پەروەردگارە هەروەك فەرموویەتی : [ وَتَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ ] ( المائدة : 2 ) .
هەروەك چۆن داواكارن لێیان كە هەر گۆمانێكی بێباوەڕی یان بیدعەكاری ـ لە هەر بوارێك بێت لە بوارەكانی ئاین ـ كە لەناو چین و توێژەكانی ئەم گەلە موسڵمانە بڵاوبووەتەوە ، بۆیانی ڕەوانە بكەن بۆ بەرپەرچدانەوەی و ئاشكراكردنی پوچەڵێتی ... ئەوەش لە ڕێگەی به‌شى [په‌یوه‌ندى بكه‌] كه‌ له‌سه‌ره‌وه‌ى ماڵپه‌ڕ دانراوه‌ .
 
وَآخِرُ دَعْوَانا أَنِ الْحَمْدُ لِلَّهِ رَبِّ الْعَالَمِينَ
سەرپەرشتیار و ستافی كارای ماڵپەڕ
 

دواین بابەتەکان

دواین کتێب

نامه‌یه‌كى كراوه‌ بۆ ئه‌بوبه‌كر كاروانى به‌ڵێ سه‌له‌فیه‌كان نامۆن ، به‌ڵام ؟! داگرتن

دەنگ
حوکمی گاڵتەکردن بەخوا و بەئیسلام


داگرتن

هەموو دەنگەکان 



میوانانی سەرهێڵ : ٢               میوانانی ئەمڕۆ : ٣               کۆی سەردان : ٤٤٠٥٥