دواین بابەتەکان

جیاوازی لەنێوان ( ابن و عربی ) لەگەڵ ( ابن العربی )
نووسەر: مامۆستا هیوا زیرەک سەردان: ٤٥١

لەڕۆژگاری ئەمڕۆدا بەهۆی ئەوەی خەڵكێك لەئیسلامێكی میانڕەو مام ناوەند لایداوە چ بۆ توندڕەوی و تەكفیر وەكو ( داعش و قاعیدەو گروپە تەكفیری یەكانی تر ) یاخود بۆ شلڕەوی و لادان وەكو ( مورجیئەو موعتەزیلەو ئەشاعیرەو بەناو عەقڵانی و دژە سوننەتەكان و فەلاسیفەكان ) ، هەموو ئەمانە لەپای ئەو لاڕێبوون و گومڕایانە دروست بوون كە هەندێ بەناو زانا !! خۆیان كردە پێشەوا و دەمڕاست ، یەك لەوانە كە بووە هۆی فیتنەو لادان بۆ هۆگرانی و شوێنكەوتووانی ( ابن عربی ) بوو بەبێ ( ئەلف لام ) ، ناسینەوەشی بەم شێوەیەیە :
ناوی : محي الدين محمد بن علي بن محمد بن عربي الحاتمي الطائي الأندلسي
لەدایكبووی : ئەندەلوسە ، ساڵی : ( 558 هیجری ) بەرامبەر ( 1164 ی لەدایكبوون ) .
وەفاتی : لە شاری دیمەشق : ساڵی ( 638 هیجری ) .
كتێبەكانی :فصوص الحكم ، تفسير ابن عربي ، مواقع النجوم ومطالع الأهلة الأسرار والعلوم ، الرسالة الوجودية ، الفتوحات المكية ، رسائل ابن عربي ... هتد .
بیروباوەڕە پووچەڵەكانی : بێگومان زۆربەی كوفریات و وتە خراپەكانی لەكتێبەكانی ( فصوص الحكم و فتوحات المكية ) دا زیاتر بڵاوەی پیكردووە ، لەوانە :
بڕوای بە ( الوحدة الوجود ) هەبووە ، كە بریتی یە لەوەی كە ( خالق و مەخلوق ) لەبنەڕەتدا یەكن ، بەوەش ئەوەی لەمەخلوقاتدا دەبینرێ خودی خالقە ، بەواتای ئەوەی یەك شتن لەبنچینەدا ، ئەمەش بیروڕای فەلاسیفە بێدینە كۆنەكانە .
هەروەها بڕوای وابوو كە هەموو مەخلوقات لەسەر ڕێگای ڕاستن و شیرك بوونی نیە ، چونكە تۆ هەرچی بپەرستی ئەوە خودی خودایە .
هەروەها بڕوای بەوە هەبوو كە فیرعەون ئیماندارە .
وە بڕوای وابوو تەنانەت دۆزەخیش جێگایەكی خۆش و جوانە بۆ ئەهلەكەی .
بڕوای بەوەبوو كە ئەولیاكان پلەیان بەرزترە لەپێغەمبەران ، وە خۆیشی بەكۆتا ئەولیا دادەنا .
لەگەڵ چەندین كوفریاتی تر .....
بۆیە زانایان دوای بیستن و خوێندنەوەی نوسینەكانی تەكفیریان كردووە ، لەوانە :
ئیمامی ئەبو زورعەی عێراقی دەفەرموێت : بێگومان كتێبی ( فصوص و فتوحات المكية ) كوفریاتی صەریحی تێدایە ، ئەگەر ئەو شتانە هەموو ڕاستبن و لەوەوە دەرچوو بن تامردن تەوبە و پەشیمانی دەرنەبڕیبێت لێیان ئەوا بەكافری مردووە و بەهەتا هەتایی لە دۆزەخدا دەمێنێتەوە .
وە ئیمامی زەهەبی لە ( سير أعلام النبلاء ) دا فەرموویەتی : خراپترین كتێبی ابن عربی كتێبی ( فصوص ) ـە ، ئەگەر ئەوانەی تێدایە كوفر نەبێت ئەوا لەدونیادا كوفر نیە .
هەروەها ( شيخ الإسلام زين الدين العراقي ) دەربارەی وتەكانی ( ابن عربی ) دەفەرموێت : هەركەسێك بیروباوەڕی بەو شێوەیە بێت كافرە بەكۆدەنگی زانایان .
زۆرێك لەزانایان بەكافر و زەندیقیان زانیوە ، لەوانە :  القاضي بدر الدين بن جماعة ، خطيب القلعة الشيخ شمس الدين محمد بن يوسف الجزري الشافعي ، شيخ الإسلام ابن تيمية ، ابن حجر العسقلاني ، شيخ الإسلام سراج الدين البلقيني ، ابن خلدون ، السبكي ، أبو زرعة ابن الحافظ العراقي ، ... هتد .
وە زۆرێكی تر لەزانایانی پێشین و ئەم سەردەمەش بەزەندیق و گومڕاو كافریان داناوە ، بەهۆی بیروباوەڕە خراپەكانی كە لەپێشدا باسمانكرد .
بەڵام ( ابن العربی ) بە ( الف لام ) ـی مەعریفە .
ناوی تەواوی : محمد بن عبد الله بن محمد المعافري .
ناسراوە بە : القاضي أبو بكر بن العربي الإشبيلي المالكي.
لەدایكبووی : ئەندەلوسە ، ( شاری ئیشبیلیە ) لە ساڵی ( 468 هیجری ) .
وەفاتی : لەشاری ( فاس ) لەمەغریبی عەرەبی ، ساڵی ( 543 ) .
كتێبەكانی : قانون التأويل ، أحكام القرآن ، أنوار الفجر ، الناسخ والمنسوخ ، القبس في شرح موطأ الإمام مالك ، العواصم من القواصم ، الأمد الأقصى في شرح أسماء الله الحسنى وصفاته العلى ، عارضة الأحوذي في شرح الترمذي ، المسالك على موطأ مالك ، الإنصاف في مسائل الخلاف ، أعيان الأعيان ، المحصول في أصول الفقه ... هتد .
وە ( ابن العربی ) بەیەكێك لەزانایانی ئەهلی سوننە و جەماعەت دادەنرێت .
وصلى الله على نبينا محمد وعلى آله وصحبه وسلم
كۆكردنەوە و ئامادەكردنی :
باوكی موسلیمە ( م .هیــوا زیــرەك )




دواین بابەتەکان

دواین کتێب

نامه‌یه‌كى كراوه‌ بۆ ئه‌بوبه‌كر كاروانى به‌ڵێ سه‌له‌فیه‌كان نامۆن ، به‌ڵام ؟! داگرتن

دەنگ
حوکمی گاڵتەکردن بەخوا و بەئیسلام


داگرتن

هەموو دەنگەکان 



میوانانی سەرهێڵ : ٢               میوانانی ئەمڕۆ : ٧٤               کۆی سەردان : ٩٦١٤٦