دواین بابەتەکان

موحسنیزم برای شەرعی قاعیدە و داعشیزمە
نووسەر: مامۆستا عدنان بارام سەردان: ٥٢٣

موحسنیزم برای شەرعی قاعیدە و داعشیزمە
و هەرسێك ڕۆلەی بەنمەكی یەك باوكن كە ئەویش خەواریجە
( بە گشتی تەكفیركردنی كاربەدەستانی وڵاتانی موسڵمانان ... وەك نموونەیەك )
شوكر و ستایش بۆ خوای پەروەردگار ، و بە هەزاران صەڵات و سەلام لەسەر پەیامبەری خۆشەویست ، و یار و یاوەڕان ، و شوێنكەوتوانی بێت تا ڕۆژی دوایی ... پاشان دەڵێم :
یەكێك لە گرفتە هەرە گەورەكانی ئەم سەردەمە ئەوەیە كە كەسانی بێ‌ سەواد بە شەریعەت ـ ئەگەرچی خاوەن بڕوانامەی بەرزیش بن لە بوارەكانی تردا ، و چی ... ، و چی ... ، چیش بن ـ ، لە باسەكانی شەریعەتدا دێنەگۆ و باسیان لێوە دەكەن !! كە ئەوەش وایان لێدەكات شتی سەیر و سەمەر و عەنتیكە بڵێن ، لەبەر بێسەوادیان بە شەریعەت ، و پسپۆڕنەبوونیان لە بوارەكانیدا ، عەرەب دەڵێت : (( مَنْ دَخَلَ فِيْ غَيْرِ فَنِّهِ أَتَى بِالْعَجَاْئِبِ !! )) ، نەك هەر بەوەشەوە بوەستن بەڵكو دەكەونە زەڵكاوی ئایدیایی و لۆژیكی واوە كە بەسەد زانا تیمار ناكرێت ، كۆرد دەڵێت : (( بەردێك شێتیك بخرێتە كۆمێكەوە بەهەزار زانا دەرناكرێت !! )) .... وە لەوە سەیرتر ئەوەیە كە ئەگەر مامۆستایەكی ئاینی بەڕێز باس لە بوارێكی پزیشكی یان ئەندایاری یان هەر بوارێكی دی بكات ـ كە بواری بەڕێزیان نەبێت ـ ، ئەوا هەزاران كەس لێی دێنە گۆ و دەڵێن : مامۆستای بەڕێز ئەمە كاری تۆ نیە !!! كە حەقی خۆشیانە ، چونكە سواری ئەو مەیدانانە نیە .... بەڵام دەبینین لە ڕۆژگاری ئەمڕۆ هەموو مێردمنداڵێكی باڵق نەبوو ... و نەفام ... و نەزان ... و كەودەن ... كاڵفامێك ... باس لە پرس و باسەكانی شەریعەت دەكەن !!! كەسێش هەر گوێی نالەقێتەوە !! ، و مێشێك میوانی نیە !! ، بۆ ئەوەی لێیان بێنە گۆ پێیان بڵێن : ئەرە كاكە ووشتر بەحەمام چی ؟!! یان : ئەوە كەی كاری تۆیە ؟!! یان پێیان بووترێت : جەنابی بێ‌ سەواد بیهێلەوە بۆ پسپۆرانی خۆی بۆ ئەوەی نەیگەنێنیت !!!
ئەم بەجواب هاتنەش نەك لەبەر ئەوە بێت كە ئایین بە حەپە و كار و كردەوەی ئەوانە پیس دەبێت ، یان لەبەر ئەوەبێ‌ كە مانەوەی ئاین پێویستی بەوە هەبێت !! نەخێر كاروانی ئیسلام بەردەوام بووە و بەردەوامە و بەردەوامیش دەبێت سەرەڕای ئەوەی كە دڕندەكانی شەو لێی بوەڕن !! ، بەڵكو ـ ئەو بەجواب هاتنە ـ تەنها لەبەر پاراستنی كۆمەلگا و لانەدانی جەوانانمانە و نەخلیسكانیانە بۆ ناو زەلكاوی توندڕەوێتی ، و زیادڕەوی لە تەكفیركردن ، و حەڵاڵكردن خوێنی موسڵمان ، و ئەنجام نەدانی كاری خۆكوژی و خۆتەقاندنەوەیە ، لەگەڵا كاولكاری دام و دەزگا و مومتەلەكاتە گشتی پارێزراوەكانە ، تاكو كاربگاتە سەربڕین و حەڵاڵكردنی خوێنی موسڵمان .... هتد !!! ، خۆ هەموو ئەمانە ئەرزشی ئەوەیان دەبێت كە كەسانی ژیر و خاوەن هزر بێنەگۆ و تاك و كۆمەڵگا و گەل و نیشتمان لەهەرزەیی و سەركەشی ئەوانە بپارێزن ... ئەمە لەلایەكەوە .
لە لایەكی ترەوە دەبێت هەموو تاكە ـ بەڕاست ـ ڕۆشنبیرەكانی ئەم وڵاتە ئەو ڕاستیەیان لا ڕوون بێت : كە مەرج نیە هەر كەسێكی بێ‌ سەواد بە شەریعەت ئەگەرچی خاوەن بڕوانامەی ماستەر یان دكتۆرا بێت ـ لەگەڵ ڕێزم بۆ هەموو پسپۆر و خاوەن بڕوانامەیەك كە لە بواری خۆی دەدوێت ، توخنی بوارێك ناكەوێتەوە كە بواری بەڕێزیان نیە ـ ئەوە ناگەیەنێت ئیتر لە بواری شەریعەت و پزیشكی و ئەندازیاری و مافناسی و زمانەوانی و سیاسەت و ڕامیاری بدوێت ، و وتەی تەندروست بێت لە هەموو ئەو بوارانەدا !!!
پاش خستنەڕووی ئەم پێشەكیە كورتە و تێبینیدا بە ڕاستیەكی بەڵگە نەویست دێمە سەر بابەتەكەم و دەڵێم :
چۆن ناونیشانەكە پشت ڕاست دەكرێتەوە كە : ( موحسنیزم برای شەرعی قاعیدە و داعشیزمە ... و هەرسێك ڕۆلەی بەنمەكی یەك باوكن كە ئەویش خەواریجە ) ؟!
سەرەتا دەڵێم : نامەوێت زۆر سەبارەت بە گرۆپی خەواریج بدوێم جگە لەوە نەبێت كە دەبێت بزانرێت گروپی ناوبراو گروپێكی گومڕای توندڕەو بووە ، لەسەردەمانی خەلافەتی ڕاشدین سەریان هەڵداوە ، و خەلیفە و كاربەدەستانی موسڵمانانیان تەكفیر كردووە ، و بەرنگاریان بوونەتەوە ، و هۆكاری كوشتن و شەهید كردنی هەندێكیان بوون پاش بەكافركردنیان !!! وە چەندەها خوێنڕێژیەكیان كردووە لەسەردەمی خۆیان ، ئەم گروپە درێژبوونەتەوە و بیروباوەڕەكانیان ماوەتەوە تاكو سەردەمانی ئەمڕۆ ، و لە وڵاتانی موسڵماناندا ئاشوب و كوشتن و كوشتار و خوێنڕێژیان ناوەتەوە و تاڕۆژی دواییش هەر بەردەام دەبن ، و بەینا و بەین سەرهەڵدەدەن ، هەرجارە و بەناو ناونیشانێكەوە ، و جاری واش هەیە بیروبۆچون و تێڕوانینەكانیان لە هەندێك كەسایەتی دەردەكەوێت ، كە دەبینیت ـ گروپ بن یان تاك ـ : بە گشتی كاربەدەستان تەكفیر دەكەن ـ هەر یەكە و بەلۆژیك و شێوازی خۆی ـ !!!
ڕەنگە لەلای هەندێك قورس بێت كە بووترێت ( موحسین ئەدیب = موحسنیزم ) هەڵگری هەمان بیرووباوەڕی خەواریجە ، و لە بیروباوەڕ و ئایدیایدا ـ بەتایبەت لە تەكفیركردنی گشتی بۆ كاربەدەستانی وڵاتانی موسڵمانان ـ بە برای شەرعی قاعیدە و داعشیزم ئەژمار دەكرێت و دادەنرێت !!!
ئیدی نازانم خۆی ووتەنی : (( كێشەی گەورەی ئینسانی شەرقی ـ ئینسانی موسڵمان ـ بە شێوەیەكی گشتی ئەوەیە كە لە فیكریا توند و تیژی هەیە)) !!!
یان ئەوەی كە دەڵێت : (( بۆچی گروپی توندڕەو دروست دەبێت ؟! لەبەر ئەوەی ئێمە خاوەن فیكری توندین فیكرمان توندە )) !!!
وە ئەو هاوفیكرانی ـ لە خواریج و داعشیزم ـ ناتوانن هەڵسەوكەوت و سلوك و ئەخلاقیاتیان هێور بكەینەوە تاكو فیكریان هێور نەكەنەوە ، خۆی دەڵێت : (( بۆیە تا فیكرمان هێور نەكەینەوە ناتوانین هەڵسەوكەوت و سلوك و ئەخلاقیاتمان هێور بكەینەوە )) !!!
یان موحسنیزمیش وەكو پێشینە و براشەرعیەكانی ئەولە قاعیدە و داعشیزم زەمینەی گونجاو هەیە بۆ دروستبوونیان ، هەروەك دەڵێت : (( من بەخۆم قەناعەت وایە زەمینەیەكی فیكری لەبار كونجاو هەیە بۆ دروستبوونی گروپگەلی وەكو داعش قاعیدە و بوكوحەرام وە لە ئاینەشە شتی تر دروست دەبێت ، ئەگەر گریمان داعشیش لەناوبچێت ... )) !!!
هەموو ئەم دەستەواژانەی پێشوو وتەی موحسین ئەدیبن لە ئێوارە كۆڕێك كە لە رزگاری ـ سەربە گەرمیان ـ ، لە ژێر ناونیشانی : ( داعشیزم كوڕی شەرعی سەلەفیزمە !!! ) بۆی سازكرابوو !!
جێی خۆیەتی ئێستا بەڵگەی میراتگرێتی تەكفیركردنی كاربەدەستان لە خەواریجەوە بۆ قاعیدە و داعش و موحسین ئەدیب باس بكرێت و بخرێتەڕوو !!! بۆیە دەڵێم :
یەكێك لە سەركردەكانی قاعیدە كە ناسراوە بە (أبو قتادة الفلسطيني) سەبارەت بە كاربەدەستانی وڵاتانی ئیسلامی دەڵێت : (أَمْرُ رِدَّةِ هَؤُلاءِ الْحُكَّاْمِ ـ وَطَوَاْئِفِهِم ! ـ مِنَ الْمَعْلُوْمِ ضَرُوْرَة ... )) ( نقلاً عن / تخليص العباد : ص155) ، واتە : باسی مورتەدێتی ئەو كاربەدەستانە ـ واتە : كاربەدەسی وڵاتانی موسڵمانان ـ !!! ، و كۆمەڵا و گروپەكانیان !!! ، شتێكی زانراوە لە شەریعەتدا ... ! ئەمە كوڕی یەكەم كە كۆڕە گەورەی خەواریجە !!
هەر لەم بارەیەوە یەكێك لە سەركردە داعشیەكان كە ناسراوە بە (أبو محمد العدناني) سەبارەت بە تەكفیر كردنی ـ بەكۆمەڵی ـ سەركردەی وڵاتانی ئیسلامی دەڵێت : (( فإِنَّنَا نَرى كُفْْرَ و رِدَّةَ جميعِ حُكَّاْمِ تِلْكَ الدُّولِ وجِيُوشها (1) ، وَقِتَالُهُم أَوْجَبُ مِنْ قِتَاْلِ الْمُحْتَلِّ الصَّلِيْبِي )) ( إني على بينة من ربي !! )!!! واتە : ئێمە وادەبینین كە كاربەدەستی هەموو ئەو وڵاتانە و سوپاكانیان كافر و مورتەدن ، و جەنگان دژیان پێویسترە لە جەنگان دژبە داگیركەری خاچ پەرست ... ئەمەش ووتەی كوری دووەم ، كە كوڕی ناوەندی كوڕەكانی خەواریجە !!
جا با بزانین كوڕی سێ‌یەمی خەواریج كە ( موحسنیزم ) ـە لەم بارەیەوە چێ‌ دەڵێت ؟!
موحسنیزم لە ئێوارە كۆڕەكەی كە لە رزگاری بۆی سازكرابوو دەڵێت : (( تەبعەن سەلەفیەكان بەهیچ جۆرێك لەگەڵ كافركردنی هیچ حاكمێك نین ... بۆ ؟ چونكە پێی وایە كە ئەوە حاكمە و كاربەدەستی موسڵمانان بۆ نمونە مەلكی سعودیە ، بۆ نمونە سەرۆكی هەرێم ، بۆ نمونە سەرۆكی میسر ، بۆ نمونە سەرۆكی هەر وڵاتێكی موسڵمان نشین ، بۆ ؟ چونكە دەڵێت : كابرا بە ئاشكرا ناڵێت : من موسڵمان نیم ، ئەی بێگومان ناڵێ‌ ، خوا غەزەبی لێگرتووە ـ بۆ نموونە مەلیك فەهد ـ بڵێ‌ ، یان ملیك ... یان سەرۆكی هەرێمی كوردستان ، یان سەرۆكی میسر ، یان سەرۆكی سوریا بڵێ‌ : من كافرم ، نایڵێ‌ ، مەصڵەحەتی لەوەیا نیە ، ئەمە جگە لەوەی درۆزنیشە ـ ئیحتیرامم هەیە ـ ، ئەگینە ، هیچ كامەیان ئیمانیان نیە ، ئەگەرچی ڕەنگە ئەمە حوكمێكی هین بێت (1) ، بەڵام بەكار و كردەوەكانیان دیارە ، كە هیچ جۆرە ئەخلاقێكی جوان ، و میتافیزیكی ، ئیمانی ، و دینیان لێناوەشێتەوە لە ڕاستیا ، بەڵام درۆئەكەن ، هەمیشە خەریكی تەمسیلن ، لێرەدا سەلەفیەكان بە هیچ جۆرێك ئەمانە كافر ناكەن ، ئەی خەتەرناكە تۆ كافریان ناكەی ، نە خەتەرناكە ، با وانەڵێم خەتەرناكە ، بەڵام ـ یەعنی ـ : تەسلیم بوونی تۆیە بە زاهر دۆستی ئەوان ، بەدرۆزنی ئەوان ، ... )) !!!
خوێنەری بەڕێز خۆت دەكەم بەدادوەر بۆ حوكمدان لەسەر هاوشێوەیەتی ووتەی ئەم سێ‌ كوڕە بەئەمەكەی خەوریج ، لە شوێنپێهەڵگۆتنی سوننەتی باوكیان وپراكتیكەكردنی بنەوای بەكافركردنی گشتی كاربەدەستی وڵاتانی موسڵمانان .
موحسنیزم هەر بەوەشەوە ناوەستێت كە ـ وەكو دوو براكەی تری ـ بە گشتی هەموو كاربەدەستانی وڵاتانی موسڵمانان بەكافر بزانێت ، بەڵكو كار دەگاتە ئەوەش كە وەسفی باوكی شەرعی خۆی دەكات و دەڵێت : (( ئەوەی وائەكات خەواریجەكان خەلیفەی موسڵمانانی ئەو كاتە ، یان بەرپرسەكان كافركەن مەسەلەی ڕەهەندێكی شۆڕشگێڕی ئەخلاقی لە پشتیەوەیەتی ، ... )) !!!
پاشان لە كۆتاییدا دەڵێم : ئەوەی جێی داخ و ئەفسوزە ، ئەم كوڕەی بەئەمەكەی خەوارج و برا شەرعیەی داعشیزم دێت دەستە چەورەكانی خۆی بەسەلەفیەكاندا دەسڕێت ، و دەڵێت : (( داعشیزم كوڕی شەرعی سەلەفیزمە !!! )) ، بەڕاستی دروستیان فەرموو كە دەڵێن : ((عِشْ رجباً تَرَ عَجَباً)) !!!

وَآخِرُ دَعْوَانَا أَنِ الْحَمْدُ لِلَّهِ رَبِّ الْعَالَمِينَ

باوكی سوننە عدنان بارام كەلاری




دواین بابەتەکان

دواین کتێب

نامه‌یه‌كى كراوه‌ بۆ ئه‌بوبه‌كر كاروانى به‌ڵێ سه‌له‌فیه‌كان نامۆن ، به‌ڵام ؟! داگرتن

دەنگ
حوکمی گاڵتەکردن بەخوا و بەئیسلام


داگرتن

هەموو دەنگەکان 



میوانانی سەرهێڵ : ٢               میوانانی ئەمڕۆ : ٧٠               کۆی سەردان : ٩٦٠٦٣